Të dhënat e përvitshme kanë treguar rënie në numrin e lindjeve në Japoni nën 700,000, për herë të parë që kur nisi mbledhja e të dhënave për lindshmërinë atje mbi një shekull më parë.
Sipas të dhënave të qeverisë, numri i lindjeve arriti në 686,061 më 2024, një rënie prej 5.7% nga një vit më parë. Të dhënat përjashtojnë foshnjat e lindura nga rezidentë të huaj.
Numri i lindjeve ka qenë në rënie për nëntë vjet radhazi, megjithëse numri i martesave pati rritje të lehtë vitin e kaluar, dy vjet pasi pësoi rënie nën gjysmë milioni për herë të parë, raportoi The Guardian.
Nëse vazhdon ky trend, popullsia e Japonisë prej 124 milionëve parashihet të bie në 87 milionë deri në vitin 2070.
Rënia dhe plakja e popullsisë mund të kenë ndikime serioze për ekonominë dhe sigurinë kombëtare.
