-
Përktheu:
Blerta Haxhiu
- 2 janar 2026 17:00
- Shpërndaje në:
Izraeli ndërmori të premten disa sulme ajrore në Libanin jugor, në përfundim të afatit të vendosur për çarmatosjen e grupit militant Hezbollah përgjatë kufirit mes dy vendeve.
Sulmet ndodhën disa ditë para një mbledhjeje të planifikuar të qeverisë libaneze, ku komandanti i ushtrisë pritet t’i raportojë kabinetit për largimin e pranisë ushtarake të Hezbollahut nga zona pranë kufirit me Izraelin, raporton AP.
Sipas mediave shtetërore libaneze, sulmet ajrore goditën disa zona në jug të Libanit, përfshirë rajonin e njohur si “Apple Province” dhe periferitë e fshatrave Ansar dhe Zrariyeh. Ushtria izraelite njoftoi se forcat ajrore kanë goditur objekte infrastrukturore të Hezbollahut në disa zona të Libanit jugor.
Lufta e fundit mes Izraelit dhe Hezbollahut nisi më 8 tetor 2023, një ditë pas sulmit të militantëve të udhëhequr nga Hamasi në Izraelin jugor, kur Hezbollahu lëshoi raketa drejt Izraelit në shenjë solidariteti me Hamasin.
Në shtator 2024, Izraeli ndërmori fushatë bombardimesh të gjera në Liban, e cila dobësoi ndjeshëm Hezbollahun, dhe u pasua më vonë nga një ofensivë tokësore.
Që nga ajo kohë, Izraeli ka kryer pothuajse çdo ditë sulme ajrore, kryesisht kundër anëtarëve të Hezbollahut, por sipas Zyrës së Komisionerit të Lartë të OKB-së për të Drejtat e Njeriut, në këto sulme kanë humbur jetën edhe 127 civilë.