Izraeli ka bërë të ditur se pikat kufitare me Gazën, përmes të cilave kalon ndihma e domosdoshme humanitare, do të mbeten të mbyllura për aq kohë sa vazhdon lufta me Iranin.
COGAT, organi izraelit që mbikëqyr hyrjen e ndihmave në Gaza dhe funksionimin e pikave kufitare, ka njoftuar se ato nuk mund të operojnë në mënyrë të sigurt për shkak të kërcënimit nga raketat.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAutoritetet izraelite kanë udhëzuar qytetarët të qëndrojnë pranë strehimoreve kundër bombave, ndërsa objektet që ndodhen në distancë më të largët nga strehimoret, janë mbyllur.
“Masat e ndërmarra janë të përkohshme dhe bazohen vetëm në një vlerësim të sigurisë”, thuhet në deklaratën e COGAT-it.
Megjithatë, pretendimet se në Gaza ka rezerva të mjaftueshme ushqime për një “periudhë të zgjatur” janë vënë në pikëpyetje nga organizata të ndryshme humanitare. Ndër to është edhe World Central Kitchen, që operon me kuzhinë popullore në mbarë Gazën, e cila ka paralajmëruar se po i mbarojnë furnizimet.
“Ne kemi nevojë për dërgesa ushqimore çdo ditë për të ushqyer familjet e uritura që nuk janë pjesë e kësaj lufte”, ka shkruar në rrjetin social X, themeluesi i saj, Jose Andres,.
