Presidenti Iranian, Masoud Pezeshkian, i ka thënë Princit të Kurorës Saudite, Mohammed bin Salman, në një telefonatë, se Teherani zyrtar gjithmonë mirëpret çdo proces, brenda kuadrit të së drejtës ndërkombëtare, që parandalon luftën, raportuan mediat iraniane të martën.
Deklarata e tij vjen teksa aeroplanmbajtësja amerikane “Abraham Lincoln” ka arritur në Lindjen e Mesme, me urdhër të presidentit amerikan, Donald Trump.
Trumpi ka thënë të enjten se Shtetet e Bashkuara kanë një "armadë" duke shkuar drejt Iranit, por ka shtuar se shpresonte se nuk do të duhej ta përdorte atë.
Anija po dërgohet atje ndërsa tensionet midis Iranit dhe Shteteve të Bashkuara u përshkallëzuan pas shtypjes së protestave në të gjithë Iranin.
Trumpi ka kërcënuar vazhdimisht të ndërhynte nëse Irani do të vazhdonte të vriste protestues, por demonstratat në të gjithë vendin janë zbutur që atëherë.