-
Përktheu:
Flutura Gashi-Mehmeti
- 22 shkurt 2026 13:31
- Shpërndaje në:
Hungaria planifikon të bllokojë një paketë të re sanksionesh të Bashkimit Evropian kundër Rusisë dhe do të pengojë të gjitha përpjekjet e bllokut për të ndihmuar Ukrainën derisa të rifillojnë dërgesat e naftës ruse drejt Hungarisë, ka thënë të dielën diplomati më i lartë i vendit.
“E kemi bërë të qartë se derisa ukrainasit të rifillojnë dërgesat e naftës drejt Hungarisë, ne do të bllokojmë të gjitha vendimet e BE-së që janë të rëndësishme për Ukrainën”, ka thënë ministri i Jashtëm hungarez, Peter Szijjarto.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMinistrat e Jashtëm të BE-së pritet të mblidhen në Bruksel të hënën për të diskutuar rundin e 20-të të sanksioneve të bllokut kundër Moskës, një masë që shpresojnë ta miratojnë në kohë për të përkuar me përvjetorin e katërt të pushtimit rus të Ukrainës të martën.
Por në një video të postuar në rrjetet sociale të dielën, Szijjarto ka thënë se do ta bllokojë paketën e sanksioneve, duke akuzuar Ukrainën se po pengon qëllimisht dërgesat e naftës ruse përmes tubacionit Druzhba.
“Nuk do të lejojmë miratimin e paketës së 20-të të sanksioneve, sepse e kemi bërë më herët të qartë se derisa ukrainasit të rifillojnë dërgesat e naftës drejt Hungarisë, nuk do të lejojmë miratimin e vendimeve që janë të rëndësishme për ta”, ka shtuar ai.
Dërgesat e naftës ruse drejt Hungarisë dhe Sllovakisë janë ndërprerë që nga 27 janari, pasi sipas zyrtarëve ukrainas, sulme me dronë rusë dëmtuan tubacionin Druzhba, i cili transporton naftë bruto ruse përmes territorit ukrainas drejt Evropës Qendrore.
Pothuajse çdo vend në Evropë ka reduktuar ndjeshëm ose ka ndërprerë plotësisht importet e energjisë nga Rusia që kur Moska nisi luftën në Ukrainë më 24 shkurt 2022.
Megjithatë, Hungaria dhe Sllovakia, të dyja anëtare të BE-së dhe NATO-s, kanë ruajtur madje edhe kanë rritur furnizimet me naftë dhe gaz rus.
Njoftimi i Szijjarto-s se do të bllokojë paketën më të fundit të sanksioneve të BE-së është hapi i fundit në përshkallëzimin e tensioneve mes Budapestit dhe Kievit lidhur me ndërprerjen e rrjedhës së naftës përmes Druzhba-s.