Gjykata rumune vendos t'i largojë disa prova në gjyqin kundër Andrew Tate

Një gjykatë rumune ka vendosur të martën të heqë një pjesë të provave të mbledhura kundër influencerit, Andrew Tate në rastin e trafikimit të qenieve njerëzore, raporton Reuters.

Gjykata gjithashtu u ka dhënë prokurorëve pesë ditë kohë për të vendosur nëse duan ta vazhdojnë gjyqin ose ta tërëheqin rastin.

Tate është paditur në mesin e vitit 2023, së bashku me vëllain e tij, Tristan dhe dy gra të dyshuara rumune për trafikim njerëzor, përdhunim dhe formim të një bande kriminale për shfrytëzim seksual të grave, akuza që ata i kanë mohuar.