Kryeministri izraelit, Benjamin Netanyahu, ka shtyrë marrjen e vendimit mbi veprimet që ushtria e vendit të tij do të ndërmarrë në Gazë nëse Hamasi nuk pranon një marrëveshje armëpushimi, ka thënë një burim i njohur me çështjen për CNN-in të premten.
Sipas këtij burimi, një vendim në lidhje me këtë nuk do të merret këtë javë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKjo po ndodh në mes të mosmarrëveshjeve të brendshme në qeverinë izraelite lidhur me rrjedhën e saj të veprimit në enklavë.
Nëse grupi militant nuk pranon marrëveshjen mund të ndodhë rrethimi i qytetit të Gazës dhe qendrave të tjera të populluara, ndërsa ideja tjetër është “pushtimi” i qytetit, ka thënë burimi.
“Në të njëjtën kohë, Izraeli dhe Shtetet e Bashkuara do të punojnë për të rritur ndihmën humanitare, ndërkohë që vazhdojnë operacionet ushtarake në Gazë”, ka shtuar ky zyrtar.
Bisedimet e paqes po dështojnë në mes të një situate katastrofike humanitare në Gazë, ku dhjetëra njerëz po vdesin nga uria.