Britania pretendon se ndalimi i shitjes së armëve për Izraelin do ta forcojë Hamasin

Sekretari i Jashtëm i Britanisë së Madhe, David Cameron ka thënë se vendi i tij nuk e mbështetë ofensivën izraelite në Rafah dhe i ka bërë thirrje Izraelit që të lejojë kalimin e më shumë ndihmave në Gaza.

Ai ka thënë po ashtu se Britania në këtë fazë nuk do të ndjekë shembullin e Shteteve të Bashkuara dhe nuk do të ndalojë shitjen e armëve për Izraelin, raporton BBC.

Sipas tij, ndalimi i shitjeve të armëve do ta bënte Hamasin më të fortë.

“Unë mendoj se Amerika dhe Britania e Madhe janë në një situatë krejtësisht të ndryshme”, ka thënë ai në një intervistë për Sky News, raporton “Associated Press”.  

Cameron e ka quajtur “përgjigje të duhur për të ndalur luftimet në Gaza”, arritjen e një marrëveshjeje për lirimin e pengjeve izraelite nga grupi militant Hamas.