Raundi i radhës i bisedimeve bërthamore mes Shteteve të Bashkuara dhe Iranit, i paraparë të mbahej të dielën, është anuluar. Këtë e ka bërë të ditur ministri i Jashtëm i Omanit, Badr Albusaidi.
“Bisedimet mes Iranit dhe SHBA-së që ishte planifikuar të zhvilloheshin në Muskat këtë të diel nuk do të mbahen. Por diplomacia dhe dialogu mbeten e vetmja rrugë drejt paqes së qëndrueshme”, ka shkruar ai në platformën “X”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPas sulmeve të Izraelit mbi objektet bërthamore dhe ushtarake të Irani ishte e paqartë nëse do të mbahej raundi i gjashtë i bisedimeve mes SHBA-së dhe Iranit. Irani ka thënë se është e pakuptimtë që zhvillohen bisedime pas sulmeve.
Irani mohon se programi i tij i pasurimit të uraniumit ka qëllime të tjera përveç atyre civile, duke hedhur poshtë akuzat e Izraelit se po zhvillon fshehurazi armë bërthamore.
Presidenti amerikan Donald Trump ka kërcënuar Iranin të arrijë marrëveshje ose ndryshe do të vazhdojnë sulmet.
