Bashkimi ka bërë përforcim të rëndësishëm për edicionin e ri të garave.
Të premten klubi prizrenas ka njoftuar se ka firmosur me Jan Palokajn, njërin prej basketbollistëve më të mirë vendorë në Superligë.
Palokaj ka firmosur për dy vjet me prizrenasit. Ai ishte te Golden Eagle Ylli për disa edicione. Ka luajtur edhe për Sigal Prishtinën.
Ndërkohë Trevon Allen i është bashkuar Yllit të Suharekës.
Klubi rahovecas, Grapeland, ka firmosur me Fisnik Rugovën, kapitenin e deritashëm të Sigal Prishtinës.
Ndërkohë Jon Ismajli është huazuar te Vëllaznimi nga Sigal Prishtina. Ai vlerësohet basketbollist i talentuar.