Një krizë në prodhuesin e automjeteve luksoze Porsche AG ka goditur fitimet e aksionarit të saj kryesor Porsche SE në nëntë muajt e parë të vitit, raportoi të mërkurën Reuters.
Porsche SE, e kontrolluar nga markat Porsche dhe Piech, zotëron 12.5% të prodhuesit të veturave Porsche AG. Është gjithashtu investitori kryesor i Grupit Volkswagen, me 31.9% të aksioneve.
Në periudhën janar-shtator, Porsche SE raportoi fitime prej 1.6 miliardë eurosh, 36% më pak se një vit më parë.
Thuhet se rezultati u ndikua ndjeshëm nga problemet në Volkswagen dhe Porsche AG, të cilat po përballen me miliarda kosto këtë vit pasi prodhuesi i veturave luksoze vonoi lansimin e një automjeti elektrik.
Shefi i financave të Porsche SE, Johannes Lattwein, tha se kompania ka përmirësuar strukturën e saj të financimit.