Komuna e Kamenicës ka reaguar pas zjarreve në lokacionin Gugulloc-Bushinicë. Komuna në një postim në orët e vona të së shtunës ka thënë se banorët e atyre zonave janë jashtë rrezikut dhe se po punohet për shuarjen e vatrave të zjarrit.
“Njoftojmë të gjithë qytetarët e Komunës së Kamenicës se zjarret aktive aktualisht, janë duke ndodhur në territorin e Komunës së Artanës, më saktësisht në lokacionin Gugulloc-Bushincë. Po punohet vazhdimisht në shuarjen e zjarreve nga ekipet e zjarrfikësve, edhe pse terreni është i papërshtatshëm, disa vatra nuk mund të arrihen, si dhe ka nevojë për shtim kapacitetesh dhe ndihmë me ekipe të tjera. Është e rëndësishme të dihet se banorët që jetojnë në ato zona, janë jashtë rrezikut, si dhe po punohet edhe në këtë orë për shuarjen e të gjitha vatrave të zjarrit. Gjithashtu ky njoftim, le të jetë edhe thirrje për kujdes të shtuar nga të gjithë, duke shmangur mundësinë e ekspozimit ndaj shkaktarëve të mundshëm të zjarreve”, ka njoftuar Komuna nëpërmjet një postimi në Facebook.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKohëve të fundit Kosova është përballur me qindra zjarre.
Agjencia e Menaxhimit të Emergjencave ka shprehur dyshime se zjarrvëniet ishin të qëllimshme.
Zjarre ka pasur në Skenderaj, Zubin-Potok, Prishtinë e Deçan.