Misioni për Vëzhgimin e Zgjedhjeve nga Bashkimi Evropian (EOM) sot ka vendosur në teren 18 vëzhgues afatgjatë për procesin e zgjedhjeve në Kosovë më 9 shkurtit, raporton "Ekonomia Online".
Në total, BE-ja po dërgon mbi 100 vëzhgues për të vëzhguar zgjedhjet parlamentare në Kosovë.
Shefja e Misionit për Vëzhgimin e Zgjedhjeve nga Bashkimi Evropian (EOM) për Kosovën, Nathalie Loiseau, ishte bashkë më vëzhguesit, të cilëve u uroi mirëseardhje.
“Mirëserdhët në Kosovë, u uroj fat të mbarë në misionin tuaj në Kosovë”, u tha Loiseau vëzhguesve.
Vëzhguesit janë nga 18 shtetet anëtare të BE-së.
Zyra e Shtypit nga Misioni i Bashkimit Evropian për Vëzhgimin e Zgjedhjeve në Kosovë, ka njoftuar se vëzhguesit afatgjatë të Misionit të Vëzhgimit të Zgjedhjeve të BE-së (VAGJ) u vendosën sot në të gjithë Kosovën, ndërsa tani po fillojnë detyrat e tyre të vëzhgimit të zgjedhjeve.
Loiseau së bashku me zëvendëskryevëzhguesin Thomas Boserup i uruan VAGJ një mision të mbarë.
“Në total, BE-ja po dërgon mbi 100 vëzhgues për të vëzhguar zgjedhjet parlamentare të vitit 2025 në Kosovë”, thuhet në njoftim.
-
Palatova e BE-së viziton qendrat e votimit në Prishtinë e Graçanicë: Zgjedhjet, test i demokracisë
-
Mbi 16 mijë vëzhgues do të monitorojnë zgjedhjet
-
Mbi 16 mijë e 500 vëzhgues të akredituar për zgjedhjet e 7 qershorit
-
Haxhiu fton BE-në të dërgojë mision vëzhgues për zgjedhjet e 7 qershorit
-
KQZ: Deri në ora 09:00 në 24 përfaqësi diplomatike votuan mbi një mijë votues