Sindikata e Policisë së Kosovës (SPK) të mërkurën i është drejtuar Avokatit të Popullit, Naim Qelaj, me kërkesë për përfshirje aktive në monitorimin e respektimit të të drejtave të pesë zyrtarëve policorë që aktualisht ndodhen në ndalim për vdekjen e 27-vjeçarit Agon Zejnullahu më 7 korrik në Lipjan.
Në kërkesën e saj, SPK thekson disa çështje kyçe, “mbikëqyrjen e respektimit të të drejtave themelore të zyrtarëve të ndaluar; vlerësimin e proporcionalitetit të masës së ndalimit, për të cilën Sindikata vlerëson se ishte e panevojshme dhe se ka pasur alternativa më të arsyeshme; parandalimin e stigmatizimit publik dhe gjuhës paragjykuese ndaj zyrtarëve; garancinë për një proces të drejtë dhe të paanshëm ligjor dhe përkrahje për kolegët dhe apel për profesionalizëm”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoQë nga momenti i ngjarjes, Sindikata thotë se ka qenë aktive në përkrahjen e kolegëve të ndaluar dhe familjeve të tyre.
Në një apel të drejtuar ish-zyrtarëve të Policisë, tashmë të pensionuar apo joaktivë, SPK-ja ka kërkuar kujdes në deklaratat publike, duke i ftuar ata të respektojnë Ligjin për Policinë dhe udhëzimet administrative, për shkak të ndikimit që fjalët e tyre mund të kenë në opinionin publik dhe në imazhin e Policisë së Kosovës.
SPK-ja thekson se nuk ndërhyn në procesin hetimor dhe nuk paragjykon drejtësinë, por mbetet e përkushtuar që çdo zyrtar policor të trajtohet me dinjitet, drejtësi dhe në përputhje me standardet ligjore vendore dhe ndërkombëtare.
“SPK – gjithmonë në mbrojtje të të drejtave të zyrtarëve policorë”, përfundon reagimi.