Sindikata “Punëtori” e kompanisë “Pastrimi” ka thënë se gjatë grevës së punëtorëve të ndërmarrjes që ka nisur sot para Komunës së Prishtinës, janë ofenduar nga persona të paidentifikuar.
Sipas reagimit të sindikatës, individë të panjohur janë futur në turmën e protestuesve dhe kanë ofenduar punëtorët me fjalë fyese si: “Ecni, hupni prej këtu, bërllogxhinj!”
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Kjo sjellje është e papranueshme dhe cenon të drejtën tonë legjitime për të protestuar në mënyrë të qetë për të drejtat tona”, thuhet në reagim.
Sindikata i ka bërë thirrje Policisë së Kosovës që të garantojë sigurinë e protestuesve dhe të ndërmarrë hapa për identifikimin dhe ndëshkimin e personave që kanë shkaktuar provokime në vendin e grevës.
“Falënderojmë mediat për mbështetjen dhe raportimin e drejtë të situatës, duke kontribuar në transparencë dhe respektimin e të drejtave të punëtorëve”, përfundon reagimi i Sindikatës “Punëtori”.
