“Si e vodhi Kurti demokracinë” është mesazhi i një grafiti të shfaqur së fundmi në sheshet e Prishtinës.
Ndërhyrja artistike, e realizuar nga artisti që njihet me pseudonimin “I am I”, është vendosur gjatë natës së Krishtlindjes dhe paraqet një ironi vizuale të figurës së Grinchit, të personifikuar me kryeministrin në detyrë Albin Kurti.
Grafiti shoqërohet me mesazhin në gjuhën angleze “How Kurti stole democracy” (Si e vodhi Kurti demokracinë).
Grinchi është një personazh imagjinar i shkrimtarit amerikan Dr. Seuss që simbolizon dikë që përpiqet t’ua vjedhë gëzimin dhe vlerat të tjerëve, veçanërisht gjatë Krishtlindjes.
