-
Nga:
Dorentina Thaqi
- 3 shkurt 2020 20:28
- Shpërndaje në:
Albin Kurti e Bujar Dugolli, shoqërinë e tyre e filluan gjatë vitit 1997, në organizatën Unioni i Pavarur i Studentëve të Universitetit të Prishtinës.
Në rezistencë kundër Milosheviqit në gusht të po atij viti, Albin Kurti u përfshi në këtë organizatë, si anëtar i kryesisë, e më vonë si zyrtar për marrëdhënie ndërkombëtare, raporton KTV.
Kjo lëvizje Studentore e 1997-s, e drejtuar nga Bujar Dugolli, Muhamet Mavraj, Driton Lajçi dhe Albin Kurti, e përkrahur dhe nga rektori i Universitetit të Prishtinës, Ejup Statovci, si dhe nga disa profesorë, i pati dhënë fund politikës paqësore të popullit shqiptar ndaj regjimit serb.
23 vjet pas, tashmë dekani i Fakultetit të Filozofikut, në Universitet të Prishtinës, Bujar Dugolli, kujton atë kohë.
Dugolli, shokun e tij e kujton si student të shkëlqyeshëm e një njeri që i bëri ballë çdo vështirësie.
Për fund, ai ka edhe një mesazh drejtuar Albin Kurtit. (ndiqeni në video)
Albin Kurti ishte edhe njëri ndër udhëheqësit e protestës historike studentore më 1 tetor 1997, e cila u shtyp brutalisht nga policia e Milosheviqit.
Pas arrestimit të tij nga forcat serbe, Kurti, më 13 mars 2000 në Nish, u dënua me 15 vjet burgim, por si rezultat i presionit ndërkombëtar, u lirua më 7 dhjetor 2001.
Më 23 prill 2003, Kurti diplomoi në Fakultetin e shkencave kompjuterike dhe telekomunikacionit në Universitetin e Prishtinës dhe vazhdoi të jetë aktivist i të drejtave të njeriut dhe atyre civile. Më 2004, u themelua edhe Lëvizja Vetëvendosje, e cila që nga 2010-a, u shndërrua në parti politike.