Analisti Arbnor Sadiku e ka lënë fajtore Qeverinë për regresin e lirisë së mediave në Kosovë, duke thënë se ka bërë veprime taktike të gabuara.
Kosova ka pësuar rënie për 19 vende në indeksin e Lirisë së Shtypit të publikuar nga “Reporterët pa Kufij” të premten. Kjo ka nxitur kritika të shumta ndaj ekzekutivit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSadiku ka deklaruar se Qeveria nuk e ka parë median si bashkëpunuese, por si konkurrente
“Raporti do të thotë në një gjuhë tjetër që i mohohet e drejta e qytetarëve për raportim të drejtë, ku përfshihet politika ditore në raportim. Rënia kaq drastike është faturë bukur e rëndë për Kosovën. Kjo rënie është faj i Qeverisë pasi ka bërë disa veprime taktike të gabuara sepse s’ka bashkëpunuar me median, por i ka parë si konkurrente. Bashkëpunimi me median i shërben Qeverisë”, ka thënë ai në “60 Minuta” të KTV-së.
Incidenti me televizionin “Klan Kosova” e tendenca që televizionin publik ta mbushin me njerëz të afërt, sipas Sadikut, janë disa nga të gjeturat e “Reporterëve pa Kufij” për Qeverinë e Kosovës karshi mediave.
Analisti e ka cilësuar alarmante faktin që ministrat nuk shkojnë nëpër shumicën e televizioneve. Ka thënë se ndoshta kjo ka ardhur si pasojë e mospërvojës.
“Ndoshta kjo ka ardhur edhe për shkak të papërvojës, pasi shumica e udhëheqësve aktualë kanë qenë tërë kohën në opozitë. Raporti ka ndikuar negativisht në aspektin e bashkëpunimit, pluralizmit politik. Nuk mund të sillesh me arrogancë nëse je në pushtet karshi një media që e ka politikën redaktorialë kundër. Qeveria duhet të jetë më tolerante”, ka shtuar ai.
Sadiku ka theksuar se nëse e fiton mandatin e dytë, “Kurti të jetë më bashkëpunues dhe më prezent në media”.
LEXO EDHE: