RTK-së i ndahen mbi 2 milionë euro për tre muajt e fundit të 2023-tës

Komisioni për Financa ka aprovuar kërkesën e Radiotelevizionit Publik të Kosovës për ndarjen e mjeteve buxhetore për periudhën tetor-dhjetor 2023.

Shuma e ndarë për RTK-në për këtë periudhë është 2 milionë e 240 mijë euro.

Pika 5 dhe 6 e rendit të ditës që ka paraparë raportimi i ministrit të Financave, Hekuran Murati lidhur me kompensimin e dëmeve nga vërshimet si dhe raportimi i përfaqësuesve të Agjencisë së Statistikave lidhur me procesin e regjistrimit të popullsisë janë shtyrë për të premten me kërkesë të deputetit të LDK-së, Avdullah Hoti dhe në pajtim edhe me ministrin Murati.