Rrezik nga pusetat e hapura në Gjakovë, banorët e akuzojnë kompaninë e komuna banorët

Ka rreth një javë që rruga “Fitim Domi” në Gjakovë, ka mbetur në këtë gjendje.

Sipas banorëve të lagjes Dardania, në këtë qytet asfaltimi i kësaj rruge, nga ana e komunës, u ka shkaktuar probleme të shumta, raporton KTV.

Banorët, madje, thonë se kjo rrugë do të duhej të ishte e gjerë 5.5 metra, mirëpo kompania kontraktuese e ka bërë atë rreth 4.5 metra.

Sipas banorëve, në këtë rrugë ditëve të fundit janë shtuar aksidentet, shkaku i këtyre pusetave.

Edhe opozita në Gjakovë, e ka kritikuar komunën për këtë projekt.

Por, zyrtarë të Komunës së Gjakovës i kanë fajësuar qytetarët për vjedhje të kapakëve të pusetave.

I gjithë asfaltimi i rrugës “Fitim Domi” në Gjakovë, i ka kushtuar buxhetit të Komunës rreth 89 mijë euro.