Korporata Energjetike e Kosovës (KEK) ka njoftuar se të enjten është rikthyer në prodhim njësia A5 e Termocentralit Kosova A dhe është sinkronizuar me rrjetin elektroenergjetik rreth orës 10:03 të mëngjesit.
Sipas njoftimit të KEK-ut kjo është bërë pas realizimit të një sërë ndërhyrjesh dhe sanimesh teknike të domosdoshme.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoTë hënën është parë që nga kjo njësi ka rrjedhë tym i zi.
Në njoftimin e KEK-ut thuhet se në startimin e çdo njësie prodhuese mund të ketë rritje të përkohshme të emetimeve nga oxhaqet.
“Ashtu siç kemi njoftuar edhe më parë, startimi i çdo njësie prodhuese, përfshirë njësinë A5 këtë mëngjes, është një proces kompleks dhe teknikisht i domosdoshëm, që zakonisht zgjat 3–4 orë. Gjatë kësaj faze fillestare, për shkak të natyrës teknologjike të djegies – që fillimisht bëhet me naftë, e më pas, kur arrihet temperatura e nevojshme, me linjit – mund të ketë rritje të përkohshme të emetimeve nga oxhaqet. Kjo është një dukuri e zakonshme dhe teknologjikisht e pashmangshme në të gjitha termocentralet e këtij lloji, brenda dhe jashtë vendit”, thuhet në njoftim.
Në njoftim thuhet se njësia është tashmë e stabilizuar dhe tymi është zhdukur, çka thuhet se konfirmon përfundimin e suksesshëm të fazës së startimit.