Rifunksionalizohen disa prej mini-bibliotekave në Prishtinë, do të vendosen edhe të reja

Është hera e tretë që kjo mini-bibliotekë në Lagjen e Spitalit, është rifunksionalizuar, ndonëse në një lokacion tjetër.

Në këtë lagje dhe në lagje të tjera të kryeqytetit, disa herë, këto mini-biblioteka janë dëmtuar nga persona që ende nuk janë identifikuar, raporton KTV.

Por, pavarësisht dëmeve, nën moton “Sill një libër, merr një tjetër”, ka vazhduar hapja e mini-bibliotekave në lagjet e Prishtinës.

Qytetarët shpresojnë që ndryshimi i lokacionit do të ndikojë që të njëjtat mos të dëmtohen sërish.

Në tërë Prishtinën janë vendosur 11 mini-biblioteka, ndërkaq ideatorët njoftuan se të enjten do të vendoset edhe një tjetër.