Kryeministri i Shqipërisë, Edi Rama, i ka hapur rrugë zgjedhjeve të parakohshme në Tiranë, duke propozuar Ogerta Manastirliun si kandidaten e Partisë Socialiste.
Në Asamblenë e PS-së që po mbahen të enjten ku edhe do ta njoftojë përbërjen e qeverisë së re, Rama u shpreh se sot duhet marrë një vendim politik për t’i hapur rrugën zgjedhjeve të parakohshme në Tiranë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Sot kemi një kryetar bashkie i zgjedhur tre herë, i dënuar jo për detyrën si kryetar. I janë nxjerrë edhe biseda me familjarët nga telefoni i burgut. Kjo nuk ndodh në asnjë vend demokratik. Diktatorial, jo e jo. Është shkelja më e hapur dhe më flagrante në shpërdorim të detyrës, nga ana e tyre që duhet të mbajë nën kontroll hetimet. Tirana ka punë të mëdha dhe të panumërta, përditë e përnatë. Nuk i heq asnjë meritë kryetares në detyrë për sa ka bërë në këto 7 muaj. E falënderoj për përkushtimin. Por sot ne duhet të marrim një vendim politik, për t’i hapur rrugë zgjedhjeve për kryetarin e bashkisë në Tiranë”, ka thënë ai, duke propozuar Manastirliun si kandidate.
Manastirliu ka shërbyer si ministre deri tash.
Tirana udhëhiqej nga Erion Veliaj i PS-së deri në shkurt të këtij viti – pasi kishte fituar tre mandate radhazi. Por ai u arrestua në shkurt shkaku i akuzave për korrupsion, që përfshijnë të paktën 1.1 milion euro fonde publike. Ai akuzohet se u kishte dhënë para publike bizneseve të cilat në këmbim i jepnin familjes së tij fitime të paligjshme.
Rama zbulon emrat e kabinetit të ri qeveritar
Kryeministri i Shqipërisë, Edi Rama, ka njoftuar emrat e kabinetit të ri qeveritar gjatë një mbledhje të Asamblesë së Partisë Socialiste të enjten në Tiranë.
Rama po përgatitet të hyjë në mandatin e katërt si kryeministër.
Ai ka njoftuar se Niko Peleshi do të jetë kryetar i Kuvendit, ndërsa Klodiana Spahiu si nënkryetare. Taulant Balla do ta udhëheqë grupin parlamentar të PS-së.
Përbërja e kabinetit qeveritar “Rama 4”:
Zv.kryeministre dhe Ministre e Infrastrukturës dhe Energjisë - Belinda Balluku.
Ministria e Punëve të Brendshme – Albana Koçiu
Ministria për Evropën dhe Punën e Jashtme – Elisa Spiropali
Ministria e Financave – Petrit Malaj
Ministria e Mjedisit – Sofjan Jaupaj
Ministria e Kulturës, Turizmit dhe Sportit – Blendi Gonxhja
Ministria e Arsimit dhe Sportit – Mirela Kumbaro
Ministria e Shëndetësisë – Evis Sala
Ministria e Ekonomisë dhe Inovacionit - Delina Ibrahmiaj
Ministria e Drejtësisë – Besfort Lamallari
Ministria e Mbrojtjes – Pirro Vengu
Ministria e Bujqësisë – Andis Salla
Ministria e Pushtetit Vendor - Ervin Demo
Ministria për Marrëdhënie me Parlamentin - Toni Gogu.