-
Nga:
Jehona Gjinovci
- 31 korrik 2021 14:00
- Shpërndaje në:
3 milionë euro do të jetë buxheti për ndërtimin e rrugës A sipas kornizës zhvillimore, e cila tashmë është paraqitur në kuadër të hartimit të planit zhvillimor “Prishtina 2028”.
Por, në këtë kornizë nuk parashihet ndërtimi i shtratit të lumit përkrah kësaj rruge, ashtu siç pati deklaruar edhe drejtori për Investime Kapitale, Gëzim Mehmeti.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo5.5 milionë euro janë paraparë edhe për ndërtimin e tregut të ri, i cili nuk arriti të realizohej brenda mandateve të kryetarit të Prishtinës, Shpend Ahmeti, megjithëse ishte një nga 100 zotimet e tij.
24 milionë euro për zgjerimin e rrjetit të ngrohjes dhe 11 mijë euro për vendosjen e matësve të energjisë së ngrohjes, janë disa nga projektet më të mëdha që parasheh plani zhvillimor komunal “Prishtina 2028”, i cili është në hartim e sipër.
Sipas kornizës zhvillimore, e cila tashmë është bërë e ditur në Prishtinë po planifikohen edhe shumë projekte të tjera milionëshe.
Njëri nga këto është edhe ndërtimi i rrugës Prishtinë-Podujevë, që parashihet të përfundojë në vitin 2025, e që është vlerësuar se do të kushtojë 14.3 milionë euro.
Investime parashihet të bëhen edhe për zgjerimin dhe modernizimin e rrjetit për ndriçim publik në vlerë prej 3 milionë e 129 mijë eurosh.
Sipas kornizës zhvillimore janë paraparë edhe 1 milion euro për ndërtimin e strehimores për personat LGBTI, e cila është paraparë të përfundojë deri në vitin e ardhshëm, ndërsa ndërtimi i shtëpisë së re të pleqve për qëndrim të përhershëm planifikohet të ndërtohet më 2022-2023.
Ndërtimi i strehimores së përkohshme për persona të pastrehë dhe ndërtimi i qendrës për qëndrim ditor për fëmijët me nevoja të veçanta është planifikuar për vite më vonë.
Nuk janë caktuar shumat e këtyre projekteve.
Komuna e Prishtinës do të investojë një milion euro edhe në shtimin e hapësirave për varreza publike.
Ndërsa prej vitit 2025 është paraparë edhe themelimi i Kopshtit Botanik dhe i Kopshtit Zoologjik, të cilat së bashku do t’i kushtojnë Prishtinës 13 milionë euro.
Është planifikuar të ndërtohet edhe një fushë e minigolfit, që do të kushtojë 300 mijë euro.
Në Parkun e Gërmisë po planifikohet edhe ndërtimi i “Parkut të Aventurave”, i cili vazhdimisht po kundërshtohet nga organizata për mbrojtjen e natyrës.