-
Nga:
Sanie Jusufi
- 13 dhjetor 2018 13:23
- Shpërndaje në:
Komisioni për Zhvillim Ekonomik ka proceduar për në seancë propozimet për kryesues dhe anëtar të bordit të AKP-së, raporton Koha Ditore.
Qeveria më 4 dhjetor i kishte përcjellë Kuvendit vendimin me të cilin i ka propozuar Kuvendit që Bajram Zejnullahun për kryesues dhe Hajzer Salihu anëtar. Megjithatë, Komisioni për Zhvillim Ekonomik javën e kaluar e kishte shtyrë këtë pikë pas shqetësimit që kanë marrë nga Ambasada e Britanisë për mos përfshirje në këtë proces.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKy komision ka kërkuar sqarim nga Qeveria për një gjë të tillë dhe për këtë janë dërguar disa korrespodenca që janë bërë nga ana e këshilltares politike të kryeministrit Meliza Haradinaj-Stublla dhe Agim Maraj nga Ambasada e Britanisë, të cilat i ka siguruar gazeta.
Në e-mailin e fundit, Haradinaj ka “bazuar në nenin 12 pika 1 dhe 2 të Ligjit për plotësim ndryshim të Ligjit të AKP-së, Qeveria i propozon Kuvendit anëtarët për Bordin e Drejtorëve për Agjencinë Kosovare të Privatizimit dhe për këtë Bord nuk zhvillohen procedurat e konkursit”.
“Për hir të korrektësisë, po e bashkangjes korrespodencën tone ku ju personalisht keni konfirmuar që në takimin e kryeministrit me ambasadorin britanik, Haradinaj ka shprehur vullnetin politik që BDO te angazhohet në rekrutimin e kryesuesit dhe bordit të AKP, duke kërkuar që ju të mos vonoheni në procedura dhe të rrezikojmë defunksionalizimin, gjë që ka ndodhë”, thuhet në e-mailin e Haradinaj-Stublla.
Kjo e-mail është bërë pasi Agim Maraj nga Ambasada përmes e-maili iu ka shkruar deputetëve të Komisionit për Zhvillim Ekonomik, duke iu bërë me dije se pozitat e kryesuesit dhe anëtarëve të bordit kanë qenë në listën e pozitave të dakorduara mes Qeverisë, Kuvendit dhe Ambasadës të parapara të rekrutohen me ndihmën e partnerit zbatues përmes projektit të rekrutimit.
“Përkundër kërkesës sonë zyrtare dërguar Qeverisë, Kuvendit dhe AKP-së, procesi i emërtimit/rekomandimit në këto pozita është bërë pa përfshirjen e projektit tonë”, thuhet në emailin e Marajt.
Këto korrespondenca kanë bërë që me shumicë votash Komisioni të përcjellë për në seancë emrat e dërguar nga Qeveria. Kundër vendimit kanë votuar deputetët nga opozita.
