Udhëheqës të komuniteteve fetare u janë bashkuar presidentëve shqiptarë Bajram Begaj e Vjosa Osmanit në delegacionet për homazhe në Vatikan, për Papa Françeskun.
Presidentja Osmani ka njoftuar nëpërmjet Facebookut se bashkë me presidentin Begaj dhe kardinalin e vetëm shqiptar Ernest Simoni kanë bërë homazhe për Papën, një ditë para ceremonisë së varrimit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Sot, në bazilikën “Shën Pjetri” në Vatikan, së bashku me Presidentin Begaj, kardinalin e vetëm shqiptar, Ernest Simonin dhe delegacionet tona, bëmë homazhe për Shenjtërinë e Tij, Papë Françeskun, për të shprehur respektin e qytetarëve tanë ndaj përkushtimit të tij frymëzues për paqe, harmoni dhe dinjitet njerëzor në mbarë botën”, ka shkruar Osmani.
E presidenti i Shqipërisë, Bajram Begaj, ka publikuar fotografi të delegacionit, në të cilin shihen prijësit fetarë në Shqipëri.
“Bashkë, për të nderuar Papa Françeskun. Nderojmë kujtimin e Shenjtërisë së Tij, që na la një trashëgimi shpirtërore dhe morale për ruajtjen e dinjitetit njerëzor dhe të jetësojmë vizionin e tij për drejtësinë, solidaritetin dhe paqen”, ka shkruar ai.