Dogana e Kosovës ka njoftuar se ka parandaluar kontrabandimin e mbi 1400 pijeve të ndryshme në pikëkalimin kufitar në Jarinjë.
Në njoftimin e Doganës thuhet se gjatë mbrëmjes të së shtunës në Jarinjë është paraqitur një kamion me targa të huaja në hyrje të territorit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoFillimisht, vozitësi ka deklaruar se kamioni është i zbrazët dhe nuk transporton mallra, por pas kontrollit është gjetur mall i padeklaruar.
“Për shkak të dyshimeve nga ana e zyrtarëve doganorë dhe policorë, kamioni është selektuar për një kontroll të detajuar në vijën e dytë. Gjatë këtij kontrolli, në hapësirat e kamionit ku vendosen pajisjet është zbuluar mall i padeklaruar si më poshtë: Birra rreth 750 litra, pije energjike rreth 200 litra, pije të gazuara rreth 120 litra, lëngje të ndryshme 350 litra”, thuhet në njoftim.
Më tej bëhet e ditur se kamioni dhe malli janë dërguar në terminalin doganor dhe janë nën mbikëqyrje doganore deri në përfundimin e procedurave.