-
Nga:
Ilir Osmanaj
- 16 mars 2021 22:55
- Shpërndaje në:
Reparti i Pulmologjisë dhe ai i Infektologjisë në Spitalin e Pejës sërish janë mbushur me pacientë të sëmurë me COVID-19.
Aktualisht janë 78 pacientë të shtrirë në këtë spital, prej të cilëve 19 janë në gjendje të rëndë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPër ta përballuar betejën me COVID-19 pacientët e sëmurë rëndë në dhjetë ditët e fundit në këtë Spital kanë filluar të trajtohen edhe me plazmë konvaleshente të dhuruar nga personat që e kanë kaluar atë.
“Numri i pacientëve që ka marrë plazmë këtu në repartin tonë është 12-13 pacientë, dhe i kemi dhënë një ose dy doza, varësisht prej gjendjes së pacientit dhe kemi pa që te disa pacientë ka ndikuar për së miri kjo terapi”, ka thënë Fahri Hasani, shef i Repartit të Pulmologjisë në Spitalin e Pejës.
Kurse në Repartin Infektiv janë trajtuar me plazmë edhe katër pacientë të tjerë, por, siç thotë Hasani, ka nevojë për plazmë, për çka ai apelon te qytetarët e shëruar që të dhurojnë gjak në Qendrën për Transfuzion të Gjakut në këtë spital.
E në këtë qendër, këtë muaj vetëm 10 të shëruar kanë dhuruar plazmë për të sëmurët me COVID-19, në mesin e tyre edhe infermieria në Kirurgji, Mire Zymberi-Bajraktari.
“Pasi që kërkohet plazmë për pacientët që janë me COVID, unë e kam kryer COVID-in dhe kesh e interesuar me dhanë gjak edhe me shërua dikën. Jo veç unë, por secili që ka pasë COVID-in është mirë me ardh e me dhënë gjak”, tha infermierja në Repartin e Kirurgjisë, Mire Zymberi-Bajraktari.
Për të shpëtuar jetë, siç tregon Rrezarta Dresha-Berisha, shefe e Qendrës për Transfuzion të Gjakut në Spitalin e Pejës, plazmën konvaleshente mund ta dhurojë secili i shëruar, dy javë pasi e ka përfunduar terapinë kundër COVID-it.
“Për me ardhë me dhurua plazmën konvaleshente, është më rëndësi që të ketë me veti një dokument ose që ka kaluar ose që ka qenë i infektuar me PCR, e ka marrë një vërtetim që e ka tejkaluar COVID-in, që ne me pasë njëfarë pasqyre se ai më të vërtetë ka qenë i sëmurë me COVID-19 dhe tash i plotëson kriteret me dhurua plazmën”, ka deklaruar shefja e Qendrës për Transfuzion të Gjakut në Spitalin e Pejës, Rrezarta Dresha-Berisha.
Prej fillimit të muajit mars është dyfishuar numri i pacientëve të shtrirë në këtë spital, që mbulon Komunën e Pejës, atë të Istogut, Klinës dhe Deçanit, në të cilat gjatë muajit mars kanë vdekur 12 persona dhe janë regjistruar 786 raste të reja me COVID-19, prej të cilave mbi 530 raste vetëm në Pejë.