Presidentja Vjosa Osmani ka deklaruar se Kosova është shembull i ndërtimit të një shteti demokratik mbi guximin, rregullat dhe drejtësinë, gjatë fjalimit të saj në Samitin Botëror të Qeverisjes që po mbahet në Emiratet e Bashkuara Arabe.
Duke iu drejtuar disa prej liderëve pjesëmarrës në këtë samit, Osmani ka thënë se historia e Kosovës është rrugëtimi nga mbijetesa drejt sovranitetit, nga një vend i shkatërruar nga lufta në një shtet që ka vendosur rregulla në shërbim të qytetarëve të tij.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAjo theksoi se, hap pas hapi dhe me mbështetjen e aleatëve ndërkombëtarë, Kosova ka ndërtuar një arkitekturë ligjore dhe rregullatore që e vendos demokracinë në qendër dhe drejtësinë si shtyllën kryesore të funksionimit të shtetit.
“Ajo që dikur ishte e brishtë, sot është bërë e qëndrueshme”, u shpreh presidentja, duke shtuar se Kosova sot nuk është vetëm përfituese e solidaritetit ndërkombëtar, por edhe kontribuese aktive në të.
Osmani vlerësoi se përvoja e Kosovës dëshmon se shoqëritë e qëndrueshme, të bazuara në rregulla dhe të udhëhequra nga një qëllim i përbashkët, nuk janë vetëm të trashëguara, por edhe ndërtohen me vizion dhe vendosmëri. Ajo theksoi se mënyra më e mirë për të nderuar mbështetjen e partnerëve ndërkombëtarë është ndarja me botën e mësimeve të nxjerra nga ky rrugëtim.
“Flas si përfaqësuese e një prej demokracive më të reja në Evropë, por edhe si dëshmi e një demokracie që po avancon dhe po forcohet vazhdimisht”, ka thënë ndër të tjera Osmani në fjalimin e saj 10-minutësh.
Gjatë pjesëmarrjes në këtë samit, Osmani takoi disa prej liderëve të shteteve afrikane, përfshirë presidentin e Etiopisë, Taye Atske Selassie, shtet që nuk e njeh ende Kosovën si shtet.
Fjalimi i plotë: