Presidentja Vjosa Osmani iu ka bërë thirrje qytetarëve që të regjistrohen, pasi sipas saj, nëpërmjet këtij procesi do të identifikohen nevojat e secilit.
Osmani ka shkruar në Facebook se investimet në shumë fusha do të përcaktohen nëpërmjet mbledhjes së të dhënave nga procesi i regjistrimit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Kanë mbetur vetëm edhe 4 ditë për t’u regjistruar! Një lutje për të gjithë qytetarët tanë në Kosovë e në mërgatë: REGJISTROHUNI! Investimet në infrastrukturë, shëndetësi, arsim e shumë fusha të tjera të rëndësishme, do të përcaktohen nga të dhënat që mblidhen nga procesi i regjistrimit. Regjistrohuni që të dëgjohet zëri juaj, të identifikohen nevojat e secilit dhe që çdo qytetar të përfaqësohet, pa dallim”, thuhet në njoftimin e Osmanit.
Agjencia e Statistikave të Kosovës (ASK) ka njoftuar se deri të hënën janë regjistruar mbi 1 milion e 400 mijë qytetarë në tërë territorin e Kosovës.
Ushtruesi i detyrës së kryeshefit të ASK-së, Avni Kastrati, ka theksuar se në tërësi procesi ka shkuar mirë, por disa komuna kanë kërkuar shtyrjen e procesit të regjistrimit, por këtë tha Kastrati se s’po e shohin të arsyeshme.