-
Nga:
Nexhat Tovërlani
- 18 mars 2022 17:06
- Shpërndaje në:
Pa këshilla funksionalë të fshatrave nga viti 2014 ka mbetur Komuna e Obiliqit. Zyrtarët e partive opozitare thonë se mungesa e këtyre këshillave po i konvenon pushtetit në Obiliq.
Shefi i Grupit të këshilltarëve të LVV-së, Sami Ahmeti, ka thënë se edhe më herët këta këshilla kanë funksionuar me njerëz partiakë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Në seancën e fundit, pra në shkurt të këtij viti e votuam në parim që rregullorja për këshillat e fshatrave të shkojë në debat publik. Si Lëvizje Vetëvendosje konsiderojmë se debati i mirëfilltë publik u sjellë të mira komunitetit. Në Komunën tonë deri më tani nuk u është dhënë rëndësi këshillave të fshatrave sepse në shumicën e tyre ato këshilla i kanë kthyer në struktura partiake të pushtetit dhe kjo edhe e ka ulë besimin e qytetarëve në to. Ne mendojmë që këshillat e fshatrave duhet të jenë mbipartiakë sepse animi i tyre nga një parti politike dëmton funksionalitetin dhe besueshmërinë e tyre”, ka theksuar Sami Ahmeti. “Mungesa e këtyre këshillave po bënë që qytetarët, bujqit, studentët e edhe kategoritë tjera të hasin në vështirësi në realizimin e kërkesave të tyre, gjë që po i konvenon pushtetit me veti përtacie, dhe jo vetëm të instaluar në Obiliq. Ato kërkesa që do të mund t’i adresonin këshillat e fshatrave, tani po personalizohen nga persona partiakë me tendenca të familjarizimit dhe keqpërdorimeve tjera”.
Shefi i GK të LVV-së ka thënë se si parti do të japin kontributin e tyre para se të miratohet kjo propozim-rregullore.
Edhe këshilltari i AAK-së, Xhelal Krasniqi, ka thënë se Komuna e Obiliqit nuk ka këshilla të fshatrave e lagjeve.
“Sa i përket këshillit të fshatrave që nga viti 2014 ose 2015 nuk kemi pa një aktivitet të tyre përkitazi me nevojat e qytetarëve ose që janë thirr publikisht për t’u deklaruar me problemet eventuale të komunitetit dhe në bazë të normativin në fuqi më kalimin e mandatit pra 4-vjeçar, pra de facto në komunën tonë jemi pa këshillin e fshatrave”, është shprehur Xhelal Krasniqi. “Si Aleancë dhe Lëvizja për Bashkim mendojmë që duhet të rizgjedhen këshillat e fshatrave në bazë të rregullores dhe vendimeve në fuqi me të vetmin qëllim që nevojat dhe shqetësimet e komunitetit të adresohen në rrugë ligjore për të cilën janë të ngarkuar edhe këta përfaqësues”.
Në anën tjetër, nënkryetari i Komunës së Obiliqit, Ibush Mjekiqi, në seancën kur është miratuar vënia në diskutim publik të kësaj rregulloreje, ka thënë se vonesat në funksionimin e këtyre këshillave janë shkaktuar për shkak të pandemisë.
“Në mandatin e kaluar nuk i kemi formuar këshillat e fshatrave për shkak të pandemisë. Deri tash kryesuesit e këtyre këshillave nuk janë kompensuar jo vetëm në komunën tonë, por në asnjë komunë”, ka thënë ndër të tjera Mjekiqi.