-
Nga:
Dorentina Thaqi
- 28 nëntor 2019 23:00
- Shpërndaje në:
Një valë e re qytetarësh nga Shqipëria kanë mbërri në Prishtinë. Siç njoftojnë tifo-grupi Plisat, ata kanë nevojë për ushqim e veshmbathje.
“Gjendemi tek salla 1 Tetori dhe na nevojitet URGJENTISHT USHQIM. Janë duke ardhur familjet e strehuara dhe ne po i furnizojmë me rroba, ushqim, barna, mirëpo jemi mangët me ushqim pasi që ka shumë familje”, thuhet në njoftimin e “Plisave”.
“Plisat” lusin të gjithë ata të cilët kanë mundësi të drejtohen brenda sallës 1 Tetori që mundësisht të sjellin ushqim të gatshëm - Sendviqa, makarona, ushqime te konzervuara.
Momentalisht "Plisat" në sallën 1 Tetori janë duke i klasifikuar ndihmat të cilat i kanë dhuruar qytetarët në organizimet e tyre në shesh.
Të pranishëm për të kontribuar janë edhe pjesëtar të FSK-së. Siç raporton KTV-ja, të njëjtit kanë kërkuar që qytetarët të cilët kanë ardhur në Kosovë të orientohen në Prizren.