Në qendër të Bujanocit sërish janë shfaqur grafite me emrin e kriminelit të luftës Ratko Mladiq.
Politikani nga Lugina e Preshevës, Ragmi Mustafi, ka thënë se këto nuk janë raste të izoluar, por model i përsëritur i provokimit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Edhe sot, ashtu si në fillim të vikendit, në qendër të Bujanocit janë shfaqur sërish grafite me emrin e kriminelit të luftës "РАТКО МЛАДИ" dhe simbolet nacionaliste të katër “С”-ve. Nuk ka më dyshim që këto nuk janë raste të izoluara, por një model i përsëritur i provokimit, nxitjes së urrejtjes dhe glorifikimit të gjenocidit në hapësirat publike ku shqiptarët përbëjnë shumicën”, ka shkruar Mustafi.
Ai i ka quajtur grafitet të papranueshme dhe kërcënim ndaj sigurisë e bashkëjetesës.
Mustafi ka shkruar se ky nuk është më vandalizëm i zakonshëm.
Sipas tij ky është mesazh politik dhe ideologjik.
“Ky është përçim i frikës, i simbolikës së dominimit dhe i narrativave që mohon bashkëjetesën”, ka shkrua ai.
Sipas tij institucionet prapë heshtin.
“Policia duhet të veprojë. Pushteti lokal duhet ta dënojë. Trupi kordinues duhet të deklarohet. E njëjta skenë, e njëjta heshtje. Dhe kjo heshtje është bashkëpjesëmarrje, jo neutralitet’”, ka shkruar Mustafi.
Një grafit i njëjtë u shfaq edhe të shtunë në Bujanoc, por Mustafi bashkë më të birin e tij e fshiu.