Ministrja e Arsimit, Arbërie Nagavci, njoftoi se ua ka shkëputur kontratat katër operatorëve ekonomikë që ishin kontraktuar për ndërtim të shkollave dhe sallave të sportit në pesë komuna, e që sipas saj s’i kishin realizuar punimet.
Ajo ka shkruar në Facebook se janë shkëputur kontratat e operatorëve për ndërtimin e shkollës “Model” në Pejë, “Lidhja e Prizrenit” në Deçan, “Fan Noli” në Istog, dhe për dy sallat në Vushtrri dhe në Petrovë të Shtimes
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas ministres Nagavci, për këta kontraktorë ka pasur ankesa nga komuniteti për vonesa e edhe moskryerje të detyrave në afatin e paraparë.
“Vlera totale e këtyre kontratave të ndërprera është 2.151.933.96 euro. Për shkak të mosrealizimit të punimeve sipas planit, në proces të shkëputjes janë edhe 5 kontrata tjera. Ftoj operatorët ekonomikë të kontraktuar nga MASHTI që të respektojnë kushtet e kontratës, për të siguruar cilësinë e projekteve dhe për të shmangur vonesat që mund të ndikojnë negativisht në procesin mësimor. Në të kundërtën, do të ndërmarrim masa ligjore ndaj të gjitha kompanive që nuk respektojnë kushtet e kontratës”, ka shkruar ajo.
Nagavci ka shtuar se çdo vonesë në përmbushjen e obligimeve mund të sjellë pasoja financiare dhe ligjore.
“Kur e kemi pranuar detyrën në Ministrinë e Arsimit kemi gjetur disa kontrata të lidhura për ndërtimin e shkollave, çerdheve dhe sallave sportive, ndërkohë që kemi pranuar me të drejtë shqetësime nga komuniteti për vonesat, ashtu si dhe njoftime nga zyrtarët për mos kryerjen e detyrave në afatin e paraparë”, theksoi ministrja Nagavci.