-
Nga:
Saranda Ramaj
- 21 mars 2019 13:14
- Shpërndaje në:
Ministri i Zhvillimit Rajonal, Rasim Demiri ka thënë se të gjitha punësimet në ministrinë që e udhëheqë ai janë të ligjshme.
Pas raportimit të ‘Kohës Ditore’ se vajza e dajës së kryeministrit, Ramush Haradinaj, Ekzotina Brahimaj, ish-kandidatja për kryetare të Drenasit nga AAK-ja, Arta Ahmeti Xhylani, Xhevat Sefaj, një tjetër zyrtar i AAK-së, Erlina Llabjani e afërt me këtë parti, Erza Haraçia, bashkëshortja e Drin Haraçija, i cili ka qenë drejtor i Agjencisë për Punësime, janë punësuar në këtë ministri, Demiri ka mohuar ndikimet në këtë proces.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPërmes një mesazhi të gjatë për gazetën ai ka pranuar punësimet e raportuara por ka thënë se janë në linjë me ligjin.
“Marrë parasysh nevojat për kompletimin e stafit dhe planifikimet vjetore të Personelit, ne kemi shpallur disa pozita të lira për rekrutim në vitin 2018. Në të gjitha rastet e realizuara deri më tani, MZHR ka vepruar konform kushteve dhe kritereve të parapara me legjislacionin në fuqi”, ka thënë ai.
Sipas tij është respektuar parimi i transparencës, të drejtat e barabarta për punësim, si dhe komisioni përzgjedhës ka qenë absolutisht i pavarur në realizimin e detyrave të tij.
“MZHR, në asnjë rast, duke përfshirë edhe punësimin e personave të cilëve iu adresoheni ju, nuk ka pranuar dhe nuk do të pranoj ndikime nga kushdo qoftë për punësim të personave mbi baza politike”, thuhet në përgjigjen e tij.