Shefja e Grupit Parlamentar të Lëvizjes Vetëvendosje, Mimoza Kusari – Lila, ka thënë se Partia Demokratike e Kosovës është pozicionuar kundër interesave të qytetarëve të Kosovës.
Duke folur për dërgimin në Gjykatën Kushtetuese të ligjeve të miratuara në seancën e 5 dhjetorit, Kusari-Lila ka thënë se pas secilit ligji të dërguar në Kushtetuese, ruhet interesi i ndonjë individi të PDK-së.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Atë çfarë pamë sot, pamë se kjo parti janë pozicionuar kundër qytetarëve të Kosovës, duke përdorur Gjykatën Kushtetuese për interesa personale dhe grupore. Duan të mbrojnë hajninë, e të duken sikur janë korrupsionit”, ka thënë Kusari-Lila.
Sipas saj, dërgimi i Ligjit për Byronë në Kushtetuese tregon “frikën e tyre të thellë ndaj këtij ligji, i cili rrezikon të prekë rrënjët e korrupsionit që ata vetë kanë kultivuar ndër vite”.
“Dy herë e kanë kontestuar Këshillin Prokurorial, sepse tentuan të mbronin njerëzit brenda Këshillit. Gjithashtu tashmë e kanë kontestuar Ligjin për Byronë, sepse janë të vetëdijshëm qe kjo pasuri nuk mund të justifikohet. Kanë kontestuar Ligjin për Byronë për Konfiskimin e Pasurisë së Pajustifikueshme, sepse duan ta ruajnë pasurinë e tyre te përfituar qartazi në kurriz të parasë publike. Ata e dinë që nuk mund ta justifikojnë, prandaj po përpiqen ta pengojnë themelin e Byrosë”, deklaroi ajo./EO