-
Nga:
Rrezon Gashi
- 14 mars 2024 20:10
- Shpërndaje në:
Kritika ndaj kryeministrit Kurti kanë drejtuar liderë opozitarë, një ditë pas zbatimit të vendimit të Kushtetueses për pronat rreth Manastirit të Deçanit. Ata thanë se vendimet e Kushtetueses janë të pakontestueshme, por akuzuan kryeministrin se ka mbajtur qëndrim kundër tyre vetëm për qëllime elektorale
Liderë opozitarë e kanë cilësuar mashtrues kryeministrin Albin Kurti pas urdhrit të tij adresuar Agjencisë Kadastrale për ta zbatuar vendimin e Gjykatës Kushtetuese për pronat rreth Manastirit të Deçanit.
Kryetari i LDK-së, Lumir Abdixhiku, theksoi të enjten se vendimet e Kushtetueses janë të pakontestueshme, por tha se kryeministri ka mbajtur qëndrim kundër tyre vetëm për qëllime elektorale.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Vendimet e Gjykatës Kushtetuese të Republikës së Kosovës janë të pakontestueshme dhe kur them të pakontestueshme nënkupton që ato janë të zbatueshme. Është shenjë e pjekurisë politike e demokratike për një shoqëri dhe ky ka qenë qëndrimi i LDK-së gjatë gjithë kohës. Fatkeqësisht zoti Kurti ka zgjedhur me vetëdije të plotë që me kauza të tilla të rrejshme ta ndërtojë bazën për të ardhur në pushtet. E tani në pushtet ka kuptuar se kauzat e rrejshme nuk qëndrojnë, por gjithsesi ato janë të dëmshme”, ka thënë Abdixhiku.
E, deputeti i PDK-së, Xhavit Haliti, tha se kryeministri po zbaton vendimin për të cilin njerëzit i ka quajtur tradhtarë.
“Albini është përpjekur ta bindë opinionin rrejshëm që nuk do ta miratojë kurrë dhënien e tokave Manastirit të Deçanit. Ka dalë në foltoren e parlamentit duke mos i përmendur deklarimet nëpër media dhe realisht ata që i kanë marrë vendimet i ka quajtur tradhtarë dhe kjo e demanton besimin dhe premtimin që ua ka dhënë votuesve të vet”, është shprehur Haliti.
E, kryetari i AAK-së, Ramush Haradinaj, ka thënë që Kosova po bën kompromise pa marrë rezultate.
“Për Këshillin e Evropës, anëtarësimin në Këshill, Kosovës po i kërkohet një paketë masash. Ne për të ecur drejt NATO-s na duhet kandidatura për në BE. Çka do të na kërkohet në kandidaturën për BE dhe si mund të ecim drejt NATO-s pa folur për anëtarësimin në OKB? Pra, kjo qeveri po i harxhon të gjitha kartat në dorë, ende pa mbërri rezultate apo suksese, kryesisht për ta ruajtur popullzimin”, ka theksuar Haradinaj
Një ditë më parë, kur kryeministri Kurti e kumtoi në mbledhjen e Qeverisë urdhrin dhënë Agjencisë Kadastrale, theksoi se veprimi u ndërmor për ta siguruar anëtarësimin në Këshillin e Evropës. Sipas tij, nëse vendimi nuk do të zbatohej tash, Kosova do të hiqej nga agjenda e anëtarësimit.
Për 24 hektarët ka pasur një proces gjyqësor për 16 vjet, të cilit në vitin 2016 i dha epilog Gjykata Kushtetuese ku ia njohu të drejtën Manastirit të Deçanit për pronësi të këtyre tokave.