-
Nga:
Dorentina Thaqi
- 20 prill 2020 21:25
- Shpërndaje në:
Edhe në këtë kohë, kur qarkullimi i veturave e i njerëzve është në numër të vogël, persona që kërkojnë lëmoshë shihen në rrugët e Prishtinës.
Pa asnjë masë mbrojtëse e edhe me fëmijë ata qëndrojnë çdo ditë në pjesë të ndryshme të kryeqytetit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAta kanë thënë se shkaku i kushteve të vështira financiare detyrohen që edhe në këtë kohë, kur rreziku nga koronavirusi është i lartë, të dalin nëpër rrugë, raporton KOHA.
Njohësit e çështjeve sociale e shohin si tejet urgjente marrjen e masave për këtë kategori sepse, sipas tyre, rreziku i bartjes së virusit është i madh.
Vebi Mujku nga Instituti për Zhvillimin e Politikave Sociale thotë se institucionet e kanë neglizhuar këtë kategori të shoqërisë, duke mos u ofruar ndihmë.
Sipas zyrtarëve të Komunës së Prishtinës, ndonëse kjo çështje nuk është në kompetencat e tyre, ata kanë ofruar ndihmë për rastet e tilla.
KOHA ka kontaktuar edhe zyrtarë të Ministrisë së Punëve të Brendshme, por ata kanë thënë se informata për rastet e kërkimlëmoshës duhet të japë Policia e Kosovës, por kjo nuk është përgjigjur gjatë të hënës.