-
Nga:
Rajmonda Zhdrella - Sopjani
- 5 janar 2022 09:11
- Shpërndaje në:
Sot, asamblistët e Kuvendit Komunal të Prishtinës do të mblidhen për ta zgjedhur kryesuesin.
Mbledhja pritet të nisë në orën 10:00. E kur kanë mbetur pak orë deri në mbajtjen e kësaj mbledhje, Lidhja Demokratike e Kosovës (LDK) në krye me kryetarin e Komunës së Prishtinës, Përparim Rama, nuk ka arritur të bëjë koalicion me partitë tjera.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKryetari i komunës vjen nga LDK-ja, mirëpo shumicën në Kuvend e ka Lëvizja Vetëvendosje.
LDK-së i duhet koalicioni me ndonjë parti opozitare për të zgjedhur kryesuesin. Kjo parti ka 14 asamblistë, ndërkohë që i duhen edhe 12 vota të tjera për kryesuesin.
VV-ja ka 17 asamblistë si parti fituese për Kuvend komunal.
Dega e VV-së në Prishtinë ka thënë se nuk do të propozojë kandidatin për kryesues dhe se mundësinë do t’ua kalojë subjekteve “që bashkërisht i fituan zgjedhjet”.
VV-ja ka thënë se s’do të jetë bllokuese e se do të qëndrojë në sallë gjatë votimit.
“Mbetet përgjegjësi e kryetarit të zgjedhur dhe subjektit të tij që t’i arrijnë numrat e nevojshëm për ta përfunduar procesin e konstituimit, edhe ashtu të vonuar, të Kuvendit Komunal”, thuhet në njoftim të VV-së në Prishtinë.
Më 7 dhjetor, Përparim Rama mori detyrën e kryetarit të Prishtinës nga ish-kryetari i Shpend Ahmeti dhe afati i fundit për të zgjedhur kryesuesin është dita e nesërme – 6 janar.