-
Nga:
Meridiana Statovci
- 10 shtator 2025 09:43
- Shpërndaje në:
Gjykata Kushtetuese ka shpallur të papranueshme ankesën e kryetarit të Prishtinës, Përparim Rama, kundër rregullores së mbeturinave të miratuar më 5 dhjetor 2024 nga Kuvendi Komunal.
Sipas Kushtetueses, rregullorja nuk është as ligj i Kuvendit të Kosovës e as akt i Qeverisë, por akt nënligjor komunal, dhe për këtë arsye nuk hyn në kompetencën e saj.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMegjithatë, Zyra Ligjore e Komunës së Prishtinës, me autorizim të kryetarit Rama, ka vendosur që nga shkurti i vitit 2025 të mos e zbatojë rregulloren e 5 dhjetorit. Si pasojë, të hyrat nga faturat e mbeturinave i ka inkasuar vetë Komuna e Prishtinës, ndërsa grumbullimin e mbeturinave ia ka besuar gjashtë kompanive private.
MAPL e ka vlerësuar të ligjshme rregulloren, ndërsa Gjykata Supreme ka urdhëruar Komunën që t’i kthejë kompanisë “Pastrimi” të hyrat nga faturimi gjashtëmujor i mbeturinave.
Ky vendim i Kushtetueses e përforcon më tej pozitën e kompanisë publike “Pastrimi” në menaxhimin e mbeturinave, por lë të hapur debatin politik e ligjor për mënyrën se si Komuna e Prishtinës ka zgjedhur të organizojë këtë shërbim jetik për qytetarët.
Burime brenda “Pastrimit” kanë konfirmuar që edhe këtë muaj pagat për punëtorët e ndërmarrjes kanë dalë me vonesë, pasi Komuna e Prishtinës ende nuk e ka paguar borxhin 2.5 milionë eurosh ndaj kompanisë.