Kryeinspektorit i lejohet hyrja në punishten ku vdiq 22-vjeçari

Kryeinspektori i Punës, Basri Ibrahimi, është lejuar të hyjë në vendin ku humbi jetën të dielën 22-vjeçari nga Suhareka, Krenar Jemini, gjatë orarit të punës.

Ai vdiq paraditen e së dielës në objektin e kompanisë së derivateve “Lab Oil” në magjistralen Prishtinë-Ferizaj, ndërsa gjatë të hënës kompania s’ka lejuar kryeinspektorin të futej në punishte për të kryer inspektimet e nevojshme, raporton KTV.

Ibrahimi kishte thënë se s’është i kënaqur me këtë dhe kishte paralajmëruar se do të shkonte sërish për të vazhduar me procedurat.

Kompania ka thënë dje se i ndjeri kishte rrëshqitur në shiritin transportues të fabrikës, duke marrë lëndime vdekjeprurëse.

Prokuroria këtë po e heton si vdekje të dyshimtë.

{gallery}