Moti gjatë javës së ardhshme parashihet të jetë i ndryshueshëm.
Të hënën dhe të martën priten reshje të shiut, ka njoftuar Instituti Hidrometeorologjik i Kosovës.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoTë hënën reshjet do të jenë me intensitet më të theksuar, ndërsa të martën do të jenë më të dobëta dhe nuk do ta përfshijnë gjithë territorin e Kosovës.
“Këto reshje do të jenë të mirëseardhura, pasi do të kontribuojnë në përmirësimin e kushteve hidrologjike dhe do të kenë ndikim pozitiv në sektorin e agrometeorologjisë”, ka njoftuar IHMK.
Mëngjeset pritet të jenë relativisht të ftohta, me mundësi për paraqitje të mjegullës në orët e para të ditës.
“Do të fryjë erë nga drejtimi i veriperëndimit dhe juglindjes”, ka njoftuar Instituti.
Të mërkurën moti do të jetë me diell e vranësira të shpërndara, ndërsa të enjten do të jetë kryesisht me diell. Mot me diell e vranësira të shpërndara do të ketë edhe të premten.