Profesori i shkencave politike Dorajet Imeri ka thënë se nuk beson se do të ketë zgjedhje të parakohshme për shkak të moszgjedhjes së presidentit.
Imeri ka thënë se beson se kryeministri i Kosovës, Albin Kurti, mund të ketë “një as nën mëngë” dhe do të dalë me një propozim të parezistueshëm për partitë opozitare.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Kurtit nuk i ngutet. Pse? Sepse me gjasë ka një as nën mëngën e tij që të propozojë dikë në momentin e fundit, që do të ishte i parezitueshëm në kuptimin e votës”, ka thënë Imeri në “60 Minuta” të KTV-së.
Kurti ka thënë se duhet një kandidat konsensual ose marrëveshje politike për presidentin.
“Marrëveshja politike është e interpretueshme si koncept. Të nënshkruhet nga dy palë, të ketë harmonizim, ndarje përgjegjësive dhe të ketë hise në të. Pra, LDK-ja duke thënë se kërkon marrëveshje për presidentin, praktikisht po kërkon hise. Dëshiron të bëhet hisedare. Në këmbim të çfarë? Çka kërkon LDK-ja në këmbim të votës së subjektit për presidentin?” – ka thënë Imeri.
Ai ka thënë se partitë politike nuk e kanë problem presidenten Vjosa Osmani, por problemi i tyre është me kryeministrin Albin Kurti.