-
Nga:
Saranda Ramaj
- 15 maj 2020 22:28
- Shpërndaje në:
Gjyqësori do ta ketë më të vështirë kthimin në normalitet, për shkak të virusit.
Sallat e vogla, me shumë të akuzuar e me shumë dëshmitarë, e bëjnë me të vështirë rifillimin e punës me kapacitet të shtuar, raporton KOHA.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë gjykatat themelore janë duke u trajtuar vetëm rastet urgjente, ato për paraburgim dhe dhunë në familje.
Këshilli Gjyqësor është në pritje të vendimit të Ministrisë se Shëndetësisë, mbi bazën e të cilit do të veprojnë. Deri më tani, të gjitha seancat janë anuluar.
Kryesuesi i Këshillit Gjyqësor Skënder Çoçaj, i ka thënë KOHËS se pastaj do të vendoset se si do të vazhdohet.
E, kryetarja e Gjykatës Themelore të Prishtinës, Afërdita Bytyqi, ka treguar për mundësitë e rikthimit në normalitet në këtë institucion.
Ajo ka folur edhe për mundësinë e parashkrimit të lëndëve. Ka thënë se gjyqtarët janë duke i evidentuar rastet dhe, sipas saj, nuk ka raste të shumta para vjetërsimit.
E gjykata e shkallës së dytë, gjatë muajve të fundit, ka qenë më aktive në trajtimin e rasteve. Kjo pasi që në një pjesë të madhe të seancave në Apel nuk është e nevojshme prania e palëve. Kryetari i kësaj gjykate, Hasan Shala, ka treguar për vështirësitë e gjyqësorit kur sektorët e tjerë do t’i kthehen normalitetit.
Redaktimi i aktiviteteve të gjyqësorit ka ndodhur në mesin e muajit mars, për shkak të situatës me COVID-19.