Mot kryesisht i vranët, vende-vende me riga shiu parashihet të mbajë të hënën në Kosovë.
Sipas parashikimit të Institutit Hidrometeorologjik të Kosovës, temperaturat minimale do të lëvizin nga 0 deri në 3 gradë celsius, ndërsa ato maksimale pritet të arrijnë nga 6 deri në 10 gradë celsius.
Era do të fryjë kryesisht nga drejtimi i juglindjes, me shpejtësi prej 1 deri në 5 metra në sekondë.
IHMK-ja bën thirrje për kujdes në qarkullim për shkak të kushteve atmosferike.