Dorëhiqet kryetari i Qendrës së Vetëvendosjes në Podujevë

Kryetari i Qendrës së Vetëvendosjes në Podujevë, Bajram Ajeti, ka dhënë dorëheqje nga kjo pozitë. Këtë e ka bërë të ditur vetë ai, në një postim në rrjetet sociale. Si arsye e ka përmendur hapësirën që dëshiron t’ua lë të rinjve.

“Pas një rrugëtimi të gjatë si kryetar i Qendrës së Lëvizjes Vetëvendosje! në Besianë, me një fillim jo të lehtë në strukturim dhe aktivitet politik deri në fitoret e njëpasnjëshme në zgjedhjet qendrore dhe lokale, ku u nisën ndryshimet e mëdha, nga fitorja e Llapit në fitore në tërë Kosovën, dorëhiqem nga pozita e kryetarit të Qendrës për ta lënë në duar të brezit të ri”, ka shkruar Bajram Ajeti. “Përkushtimin dhe vullnetin ndaj LVV-së do e kem të përjetshëm. Ju falenderoj të gjithëve për besimin, bashkëpunimin dhe rrugëtimin drejtë këtyre fitoreve”.