Korporata Energjetike e Kosovës (KEK) ka njoftuar se njësia A3 e Termocentralit Kosova A ka dalë nga sistemi në mënyrë të paplanifikuar rreth orës 00:30 të së enjtes.
Sipas njoftimit të KEK-ut, ndërprerja është shkaktuar nga luhatje në sistemin elektrik, që kanë aktivizuar sistemin mbrojtës të gjeneratorit, duke bërë që zgjuesja të ndalet automatikisht.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKEK-u, gjithashtu, ka bërë të ditur se më 17 qershor, në njësinë A5 është identifikuar një humbje e ujit në kaldajë. Pas monitorimit nga ekipet teknike, kjo njësi është mbajtur në funksion deri në orën 00:02 të datës 18 qershor, kur është ndalur me qëllim të parandalimit të ndonjë avarie më të rëndë.
Ndërkohë, njësia A4 e Termocentralit Kosova A është jashtë funksionit për shkak të remontit, i cili ka nisur më 16 maj.
Në deklaratën e saj, KEK-u thekson përkushtimin për adresimin teknik të situatës, duke synuar vendosjen e një standardi të lartë të përgjegjësisë dhe llogaridhënies në të gjitha nivelet operuese.
“Kjo është thelbësore për garantimin e stabilitetit të sistemit prodhues dhe të besueshmërisë ndaj publikut”, thuhet në komunikatë.