Deputetja e Partisë Demokratike të Kosovës (PDK), Vlora Çitaku, ka thënë se Albin Kurti dhe Lëvizja Vetëvendosje janë fajtorët kryesorë pse vendi është në krizë politike.
Pas përfundimit të përpjekjes së 37-të për konstituimin e Kuvendit të mërkurën, Çitaku ka thënë se Kurti duhet të reflektojë.
“Kjo situatë është e papranueshme. Në këtë pikë të bllokadës jemi si rezultat i kryeneçësisë, papërgjegjësisë së LVV-së dhe Albin Kurtit. Kam dëgjuar deklarata qesharake gjoja i kanë numrat për qeveri dhe jo për parlament. Kjo s'do koment. I bëjmë thirrje Kurtit që të reflektojë. Kosova është më e madhe dhe më e rëndësishme se egoja e tij”, u shpreh ajo.
