-
Nga:
Nexhat Tovërlani
- 3 dhjetor 2021 19:53
- Shpërndaje në:
Kryetari i rizgjedhur i Komunës së Fushë-Kosovës, Burim Berisha, ka thënë se do të punojë me të gjitha partitë politike për të mirën e komunës. Komentet ai i ka bërë në mbledhjen inauguruese ku kanë dhënë betimin këshilltarët e rinj të Kuvendit Komunal dhe kryetari Berisha.
Mbledhjen e udhëhoqi anëtari më i vjetër i Kuvendit të Komunës, Hasan Ismajli nga radhët e AAK-së. Gjatë seancës u bë betimi i 27 këshilltarëve të rinj të kësaj legjislature që kanë dalë si rezultat nga zgjedhjet lokale të 17 tetorit të këtij viti.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Pas nënshkrimit të deklaratës së betimit nga këshilltarët e rinj, para anëtarëve të Kuvendit betimin e ka dhënë edhe kryetari i komunës z.Burim Berisha i cili në fjalën e tij përshëndetëse falënderoi qytetarët e komunës së Fushë-Kosovës për besimin e dhënë duke shtuar se do të jetë i gatshëm të bashkëpunojë me të gjithë qytetarët e Fushë-Kosovës dhe me të gjitha strukturat e partive pa dallim në të mirë të zhvillimit të mëtutjeshëm të komunës së Fushë-Kosovës”, thuhet në njoftimin e Komunës së Fushë-Kosovës.
Gjatë kësaj seance është zgjedhur edhe kryesuesi i Kuvendit Komunal. LDK-ja si partia më e madhe e dalë nga zgjedhjet e 17 tetorit e ka propozuar Ali Ismailin nga radhët e Partisë së Drejtësisë për kryesues të Kuvendit.
Ndërsa, zëvendëskryesues nga radhët e komuniteteve është zgjedhur Bashkim Krasniqi.
Nga 27 ulëse sa i ka Kuvendi i Fushë-Kosovës, në zgjedhjet e 17 tetorit LDK i ka fituar 10 ulëse, LVV 6, PDK 4, IFKEA 2 dhe me nga 1 këshilltar përfaqësohen LN, PD, NISMA, AAK dhe GIS.