Autoritetet serbe kanë arrestuar e më pas e kanë liruar ish-pjesëtarin e Policisë së Kosovës nga Kamenica, Nexhat Pireva. Ministria e Punëve të Jashtme dhe Diasporës ka njoftuar në një postim në Facebook se Pireva është arrestuar sot në orët e para të mëngjesit në pikën kufitare të Dheut të Bardhë.
Pireva i cili ka mbajtur uniformën e Policisë për rreth 14 vjet, po udhëtonte drejt Bujanocit me bashkëshorten dhe fëmijët e tyre.
“Pas marrjes në pyetje për rreth katër orë, z. Pireva është liruar dhe aktualisht ndodhet në liri. Ministria e Punëve të Jashtme dhe Diasporës dënon veprimet e vazhdueshme të autoriteteve serbe, të cilat përbëjnë keqtrajtim të shtetasve të Republikës së Kosovës dhe janë në kundërshtim me marrëveshjet e nënshkruara mes dy shteteve”, thuhet në njoftim.
MPJD-ja u ka bërë thirrje qytetarëve të Republikës së Kosovës që të shmangin kalimin përmes territorit të Serbisë deri në informacione të mëtejshme, për të siguruar mbrojtjen e tyre.
Viteve të fundit, në Serbi janë arrestuar disa qytetarë të Kosovës, të cilët Beogradi pretendon se kanë kryer krime të luftës.
Pak ditë pasi e liroi ish-policin Arbnor Spahiu, Serbia më 25 nëntor ka arrestuar ish-pjesëtarin e UÇK-së, Avni Qenaj. Ndërkaq më 29 nëntor, Gjykata në Beograd ia ka caktuar masën e paraburgimit prej 30 ditësh,